Səudiyyə Ərəbistanı Krallığının Ciddə şəhərində İslam İnkişaf Bankının 48-ci İllik Toplantısı çərçivəsində iqtisadiyyat nazirinin birinci müavini Elnur Əliyev Neft İxrac Edən Ölkələr Təşkilatının (OPEC) Beynəlxalq İnkişaf Fondunun (OFID) baş direktoru Əbdülhəmid Əl-Xəlifə ilə görüş keçirib.
Nazirlikdən Bizim.Media-ya bildirilib ki, görüş zamanı Azərbaycanın 2030-cu ilədək sosial-iqtisadi inkişafına dair Milli Prioritetləri barədə məlumat verilib və qarşıya qoyulmuş hədəflər çərçivəsində ölkəmizin beynəlxalq maliyyə institutları ilə əməkdaşlıqda maraqlı olduğu bildirilib, prioritet sahələrin inkişafı istiqamətində əlaqələrin genişləndirilməsinin zəruriliyi diqqətə çatdırılıb.
Tədbirdə, həmçinin işğaldan azad edilmiş ərazilərimizin bərpası və yenidən qurulması istiqamətində əməkdaşlığın genişləndirilməsi, Şərq-Qərb və Şimal-Cənub nəqliyyat dəhlizlərinin potensialı və bu istiqamətdə ölkəmizin nəqliyyat habı kimi rolu, eləcə də bərpa olunan enerji sahəsində layihələrin araşdırılması və KOB-ların dəstəklənməsi kimi məsələlər müzakirə edilib.
Görüşdə ikitərəfli əməkdaşlığın inkişaf etdirilməsi məqsədilə Fondun yüksək səviyyəli nümayəndə heyəti ölkəmizə rəsmi səfərə dəvət olunub.
Bizim.Media
- A-
- A
- A+
İqtisadiyyat
07:30 / 16.05.2023
Neft İxrac Edən Ölkələr Təşkilatının Beynəlxalq İnkişaf Fondu ilə görüşü keçirilib
Hazırda oxunan: Neft İxrac Edən Ölkələr Təşkilatının Beynəlxalq İnkişaf Fondu ilə görüşü keçirilib
Hazırda oxunan: Neft İxrac Edən Ölkələr Təşkilatının Beynəlxalq İnkişaf Fondu ilə görüşü keçirilib
136155
© Materiallardan istifadə edərkən hiperlinklə istinad olunmalıdır.
Mətndə səhv varsa, onu qeyd edib ctrl + enter düyməsini basaraq bizə göndərin.
Mətndə səhv varsa, onu qeyd edib ctrl + enter düyməsini basaraq bizə göndərin.
