“Caliber”in “YouTube” kanalı ermənilərin terror təşkilatlarının törətdiyi siyasi qətllər və Ermənistanın “terror ənənələri”ndən imtina etmək fikrində olmadığı barədə süjet hazırlayıb.
Bizim.Media xəbər verir ki, süjetdə Azərbaycan Demokratik Respublikası və Osmanlı dövlət xadimlərini hədəf alan “Nemezis” terror əməliyyatı zamanı Osmanlı dövlətinin rəsmi şəxsləri ilə yanaşı, 1920-22-ci illərdə Azərbaycanın baş naziri Fətəli xan Xoyski, parlamentin sədr müavini Həsən bəy Ağayev, daxili işlər naziri Behbud xan Cavanşir və baş naziri Nəsib bəy Yusifbəylinin qətlə yetirildiyi bildirilib.
Müəllif qeyd edir ki, terror əməllərini legitimləşdirən Nikol Paşinyan bununla elektoratı qarşısında “günahlarını yuyur”.
“Ermənistan qonşu dövlətlərin ərazisinə iddia etməməlidir” deyən Paşinyan digər tərəfdən, İrəvanın mərkəzində “Nemezis” terror əməliyyatına həsr olunmuş abidənin açılışına şərait yaradır”, – müəllif qeyd edir.
Qeyd edək ki, aprelin 25-də Ermənistanın paytaxtı İrəvan şəhərində “Nemezis” terror əməliyyatına həsr olunmuş abidənin açılışı baş tutub.
Bizim.Media
