“Azərbaycan Dövlət Bədən Tərbiyəsi və İdman Akademiyasının birinci kurs tələbəsi Seymur Əsgərovun intihar xəbərini dərin kədər və təəssüf hissi ilə qarşıladıq”.
Bizim.Media-nın məlumatına görə, bunu Akademiyanın Mətbuat xidmətinin rəhbəri Qabil Mehdiyev deyib.
MÖVZU İLƏ BAĞLI:
Azərbaycanda 1-ci kurs tələbəsi intihar etdi
Q.Mehdiyev bildirib ki, Seymur onlayn dərslərdə fəallığı ilə seçilən, nümunəvi və çalışqan tələbə olub:
“Birinci semestrdə verdiyi bütün imtahanların hamısından müvəffəqiyyətlə keçib".
"Belə nümunəvi bir tələbəsini itirən akademiyamız Seymurun ölümündən kədərlənir və onun ailəsinə bir daha dərin hüznlə başsağılı verir”.
Qeyd edək ki, ötən gün Qəbələnin Zərgərli kəndində 2003-cü il təvəllüdlü Seymur İlqar oğlu Əsgərov özünü yaşadığı evin həyətindəki tövlədə asıb. S.Əsgərov Azərbaycan Dövlət Bədən Tərbiyəsi və İdman Akademiyasının birinci kurs tələbəsi olub.
Bizim.Media
