Ceyhun Bayramov Çavuşoğlu ilə bu məsələlərdən DANIŞDI - YENİLƏNİB 

Azərbaycan xarici işlər naziri Ceyhun Bayramov və Türkiyə xarici işlər naziri Mövlud Çavuşoğlu arasında telefon danışığı baş tutub. 

Bu barədə Bizim.Media-ya Azərbaycanın Xarici İşlər Nazirliyindən məlumat verilib. 

Məlumata görə, telefon danışığı zamanı Türkiyədə çoxsaylı insan tələfatına səbəb olan dağıdıcı zəlzələnin nəticələrinin aradan qaldırılması istiqamətində tədbirlər, həmçinin bölgədə mövcud vəziyyət, o cümlədən qarşılıqlı maraq doğuran digər məsələlər ətrafında fikir mübadiləsi aparılıblar. 

Nazirlər yaxın zamanlarda keçirilməsi planlaşdırılan Türk Dövlətləri Təşkilatının Zirvə Görüşünə hazırlıq məsələlərini müzakirə ediblər. 

21.20

Azərbaycan xarici işlər naziri Ceyhun Bayramov və türkiyəli həmkarı Mövlud Çavuşoğlu arasında telefon danışğı baş tutub. 

Bizim.Media Türkiyə KİV-nə istinadən xəbər verir ki, tərəflər yerli və beynəlxalq bir sıra məsələləri müzakirə ediblər. 

Nazirlər arasında yaxın zamanlarda keçirilməsi gözlənilən Türk Dövlətləri Təşkilatının (TDT) Zirvə Toplantısına hazırlıq məsələləri ətrafında fikir mübadiləsi də aparılıb. 

Bizim.Media