Türkiyənin səhiyyə naziri Fahrettin Koca Azərbaycanın Fövqəladə Hallar Nazirliyinin (FHN) qardaş ölkənin Kahramanmaraş şəhərində fəaliyyət göstərən mobil səhra hospitallarına gəlib.
Bizim.Media-nın Türkiyəyə ezam olunmuş əməkdaşının xəbərinə görə, nazir hospitallarda yaradılmış şəraitlə tanış olub.
Azərbaycanın fövqəladə hallar nazirinin müavini general-leytenant Etibar Mirzəyev Fahrettin Kocaya yaradılmış şəraitlə bağlı məlumat verib.
Onlar hazırda hospitalda müayinə olunan xəstələrin son durumu ilə maraqlanıblar. F.Koca tibb personalına gördükləri işlərə görə təşəkkür edib.
Elgün Gəncimsoy, Bizim.Media, Türkiyə - Kahramanmaraş
