“Qarabağ”ın qapıçısı Şahruddin Məhəmmədəliyevin zədələnməsi milli komandamız üçün də ciddi problem yaradıb. Çünki təcrübəli qolkiper ölkənin əsas komandasının da bir nömrəsi sayılırdı. Ancaq onun ən azı iki aydan sonra yaşıl meydanlara qayıdacağı baş məşqçi De Byazini də çətin vəziyyətə salıb.
Bizim.Media xəbər verir ki, təcrübəli mütəxəssis Şahruddinin əvəzləyəcisini axtarmağa başlayıb.
Maraqlıdır ki, çoxları Şahruddinin yoxluğunda millinin qapısının Emil Balayev və yaxud Səlahət Ağayevə həvalə olunacağını gözləsə də, italiyalının sürpriz namizədi var. Belə ki, o, son vaxtlar əla formada olan “Sabah”ın qapıçısı Yusif İmanovu millinin əsas qapıçısı kimi oynatmaq istəyir.
Qeyd edək ki, milli komandamız Avro-24-ün seçmə mərhələsində martın 24-də Avstriya, 27-də isə İsveç yığması ilə qarşılaşacaq. Hər iki oyun səfərdə olacaq.
Rəşad Rafiqoğlu, Bizim.Media
- A-
- A
- A+
İdman
15:23 / 22.02.2023
Şahruddini millidə o, əvəzləyəcək
Hazırda oxunan: Şahruddini millidə o, əvəzləyəcək
Hazırda oxunan: Şahruddini millidə o, əvəzləyəcək
121929
© Materiallardan istifadə edərkən hiperlinklə istinad olunmalıdır.
Mətndə səhv varsa, onu qeyd edib ctrl + enter düyməsini basaraq bizə göndərin.
Mətndə səhv varsa, onu qeyd edib ctrl + enter düyməsini basaraq bizə göndərin.
