Avropa İttifaqı: “Türkiyəyə yardım göndərməyə hazırıq"

Hazırda oxunan: Avropa İttifaqı: “Türkiyəyə yardım göndərməyə hazırıq"

118685

Avropa İttifaqı Şurasının Prezidenti Şarl Mişel güclü zəlzələnin yaratdığı dağıntıların aradan qaldırılması üçün Ankaraya yardım təklif edib.

Bizim.Media xəbər verir ki, o, Türkiyə ilə həmrəy olduğunu söyləyib.

“Bu səhər Türkiyə və Suriyanın bəzi bölgələrində baş verən dağıdıcı zəlzələ xəbərini eşidəndə çox kədərləndim. Həyatını itirən çoxlu ailələrə dərin hüznlə başsağlığı verir və yaralananların tezliklə sağalmasını arzulayıram”, - deyə Ş.Mişel bildirib.

Avropa İttifaqının (Aİ) xarici əlaqələr və təhlükəsizlik siyasəti üzrə ali nümayəndəsi Josep Borrel də özünün tviter səhifəsində Türkiyəyə kömək etməyə hazır olduqlarını yazıb:

“Bu səhər Türkiyə və Suriyada baş verən dağıdıcı zəlzələ yüzlərlə insanın həyatına son qoyub, çoxlu sayda yaralı var. Dualarımız Türkiyə və Suriya xalqının yanındadır. Avropa İttofaqı lazımi köməyi göstərməyə hazırdır”.
Qeyd edək ki, fevralın 6-da səhər saatlarında Türkiyədə güclü zəlzələ olub. Nəticədə 284 nəfər ölüb, 2323 nəfər yaralanıb. 1710 bina dağılıb.

Bizim.Media