Xəbər verildiyi kimi Bakının Sabunçu qəsəbəsinin Şəhər şosesi döngə 2-dəki mənzillərin birində qaz sızması nəticəsində partlayış olub.
Hadisə zamanı evdə olan Odlar Yurdu Universitetinin 4 əcnəbi vətəndaşı müxtəlif dərəcəli bədən xəsarətləri alıb.
TƏBİB Bizim.Media-ya açıqlamasında tələbələrin vəziyyətini açıqlayıb:
MÖVZU İLƏ BAĞLI:
Bakıda evdə güclü partlayış - Əcnəbi tələbələr xəstəxanaya aparıldı
“Sabunçu qəsəbəsində baş vermiş partlayış nəticəsində xəsarət almış Pakistan vətəndaşları Nərimanov Tibb Mərkəzinin nəzdində olan Yanıq Mərkəzinə qəbul olunublar. Hadisə zamani evdə olan bədən xəsarəti almişlarin 4 nün də vəziyyəti orta ağirdi. Üzlərində, boyunlarinda, əllərində, ayaqlarinda 2-3 cü dərəcəli termiki yanıq diaqnozu ilə reanimasiya şöbəsində mûalicələrini davam etdirirlər”.
Qeyd edək ki, xəsarət alan tələbələr 1985-ci il təvəllüdlü Masih İmtiaz, 1988-ci il təvəllüdlü Ali Muhammed Faisal, Hindistan vətəndaşları 1991-ci il təvəllüdlü Phulpreet Singh və 2002-ci il təvəllüdlü Prem Sagardır.
Onların həmin evdə kirayə yaşadıqları bildirilib.
Faktla bağlı araşdırma aparılır.
Alçina Amilqızı, Bizim.Media
