Vəndam məktəbliləri üçün infotur təşkil edilib - FOTO 

Qəbələ rayonu Vəndam qəsəbəsinin 1 nömrəli tam orta məktəbinin “İnformasiya texnologiyaları” və “Qənnadçı köməkçisi” ixtisasını seçmiş peşə təmayüllü sinifləri üçün infotur həyata keçirilib. 

Bu barədə Bizim.Media-nın yerli bürosuna 1 nömrəli tam orta məktəbdən məlumat verilib.

Bildirilir ki, Peşə təhsil mərkəzinin mühəndis-pedaqoji heyəti tərəfindən həyata keçirilən master-klasslarda iştirak edən şagirdlər, Mərkəzin “Qənnadçı, şirniyyatçı” ixtisasında təhsil alan tələbələrin hazırladıqları şirniyyatların dadına baxmaq imkanı qazanıblar.  
Şagirdlər yüksək texniki peşə qruplarından olan “Veb dizayn və proqram təminatı” və “Kompüter sistemlərində proqramlaşdırma” dərslərində iştirak edib, həmçinin Mərkəzin ərazisi ilə tanış olublar.  

İnfoturlar iştirakçılarına peşə təhsilinin zəruriliyi, şagirdlərin düzgün peşə seçiminin əhəmiyyəti, peşə seçimi və karyera, peşə perspektivləri üzrə ərtaflı məlumat verilib. 

Şagird və müəllimlər infoturda iştiraklarından məmnunluqlarını, belə tədbirlərin zəruriliyini ifadə edib. 

Tural Rasimoğlu, Bizim.Media, Şimal-Qərb bürosu