“Mənə də oğlumun toyunu görmək qismət olsun. Nə gözəl hissdir qaynana olmaq. Cahad düyaya gələndən qaynana olmaq istəyirəm. Amma hələki gözləyirəm”.
Bizim.Media xəbər verir ki, bu sözləri Xalq artisti Brilliant Dadaşova qonaq olduğu “Həmin Zaur” axşam şousunda deyib.
Sənətçi bildirib ki, oğlu Cahadın coxuşaqlı ailəyə sahib olduğunu istəyir:
“Kimlərin qızı var, onlar tez qaynana olurlar, kimlərinki oğlu var, biraz çətin məsələdir. Oğlumun çox uşaqlı olmasını istəmişəm. Böyüklər deyirdilər ki, bir dənə uşaq olsun, o da “min budaq olsun”. İndi deyirəm ki, Cahad evlənsin, 5-6 övladı olsun. Amma indi qızlar o qədər övlad istəmirlər.
Ev xanımlarını görəndə deyirəm ki, evdə oturmusan, işləmirsən, nəyə görə bir uşaq dünyaya gətirmisən? Beş-altı övlad dünyaya gətirərdin də. Bizim kimi, biri səhnədə, digərləri başqa işlərdə çalışardılar. İndi qızların “fiqura”ları da dəyişmir. Sağolsun həkimlər, dietoloqlar”.
Qeyd edək ki, Səməd Vurğun adına Rus Dram Teatrının direktoru Ədalət Hacıyevlə ailəli olan B.Dadaşovanın bu evlilikdən Cahad adlı bir oğlan övladı var.
Rəşad Əliyev, Bizim.Media
