“Google” şirkəti 10000 nəfəri işdən çıxarmağı planlaşdırır

ABŞ-nin “Google” şirkəti ən pis faydalı iş əmsalı göstəricilərinə malik 10 000 işçisini ixtisar etməyi planlaşdırır.

Bizim.Media-nın məlumatına görə, bu, şirkət işçilərinin ümumi sayının 6%-i deməkdir.

Bundan əvvəl bir çox digər İT nəhəngləri, o cümlədən “Meta”, “HP Inc.” və “Cisco Systems Inc.” də genişmiqyaslı ixtisarlar barədə məlumat veriblər. 

Qeyd edək ki, “Google” sektorun digər şirkətləri kimi xidmətlərinə tələbatın kəskin artması fonunda koronavirus pandemiyası zamanı işçilərin sayını fəal şəkildə artırmışdı. Bu da öz növbəsində əməliyyat xərclərinin çoxalmasına səbəb olub.

Bizim.Media