Ukraynada əfsanəvi “Mriya” reaktiv təyyarəsi yenidən HAZIRLANIR  

Ukrayna yeni An-225 “Mriya” reaktiv təyyarəsinin inşasına başlayıb. 

Bizim.Media xəbər verir ki, bu barədə “Antonov” Dövlət Müəssisəsi məlumat yayıb. 

Bildirilib ki, yeni "Mriya"nın artıq 30% hissəsi hazırdır. İkinci An-225 həm yeni hissələr, həm də zədələnmiş təyyarənin hissələri ilə təmin ediləcək. 

“Antonov” Dövlət Müəssisəsinin baş direktoru Yevgeni Qavrilovun sözlərinə görə, iş gizli ərazidə aparılır.  

Qavrilov bildirib ki, quruculuq işinin dəyəri 500 milyon avro dəyərində qiymətləndirilir. Məbləğ Antonova aviaşirkətinin müvəqqəti yerləşdiyi və An-225-in tez-tez uçduğu Leypsiq (Halle) Beynəlxalq Hava Limanı tərəfindən təmin ediləcək. 
Qeyd edək ki, əfsanəvi “Mriya” təyyarəsi Ukrayna-Rusiya müharibəsinin ilk günlərində məhv edilib. 

Bizim.Media