Siyəzənin Zarat kəndi ərazisində baş verən qəzada yaralananların hamısı Zarat kənd sakinləri olan qadınlardır.
Bizim.Media xəbər verir ki, onlar parnikdə işləyən fəhlələr olub.
İşçiləri iş yerinə aparan mikroavtobusun aşması nəticəsində 10 qadın xəsarət alıb.
Siyəzən Müalicə-Diaqnostika Mərkəzinin baş direktoru Dadaş Hümbətov Bizim.Media-ya məlumat verib ki, yaralıların vəziyyəti stabildir, onlar hazırda lazımi müayinələrdən keçirilir, aralarında bir-iki xəsarət alan var, ağır vəziyyətdə olanı yoxdur, müayinələrimiz davam edir. Qəzanın səbəbləri araşdırılır.
*** 09.39
Bu gün səhər Siyəzənin Zarat kəndində mikroavtobus aşıb.
Bizim.Media-nın yerli bürosu xəbər verir ki, iki təcili yardım avtomobili hadisə yerinə cəlb edilib.
Hadisə nəticəsində müxtəlif xəsarətlər alan 10 nəfər Siyəzən Müalicə-Diaqnostika Mərkəzinə yerləşdirilib.
Hazırda onlara ilk tibbi yardım göstərilir.
Aytəkin Alxaslı, Bizim.Media, Şimal bürosu
