Prezidentin xüsusi nümayəndəsi: "Növbəti mərhələyə hazırlıq görülür" - VİDEO

Hazırda oxunan: Prezidentin xüsusi nümayəndəsi: "Növbəti mərhələyə hazırlıq görülür" - VİDEO

91032

Zəngilan rayonunun Ağalı kəndindən sonra ikinci "Ağıllı kənd" layihəsi Füzulinin Dövlətyarlı kəndində icra ediləcək.

Qarabağ iqtisadi rayonuna daxil olan işğaldan azad edilmiş ərazilərdə (Şuşa rayonu istisna olmaqla) Azərbaycan Respublikası Prezidentinin xüsusi nümayəndəsi Emin Hüseynov hazırda Dövlətyarlı kəndində hansı proseslərin icra edildiyini açıqlayıb.

Emin Hüseynov bildirib ki, minalardan təmizlənən Dövlətyarlı kəndində növbəti mərhələ üçün işlərin görülməsinə hazırlıq gedir.

Onun sözlərinə görə, Ağalı kəndində qazanılan təcrübə Dövlətyarlıda da istifadə ediləcək. Plana əsasən Dövlətyarlıda 450 ev inşa ediləcək. Bunlar 3,4 və 5 otaqlı evlər olacaq. Kəndin mərkəzində isə bazar və meydan yerləşəcək.

Bu kənddə artıq əhalinin hansı işlərlə məşğul olacağı da bəllidir. Dövlətyarlı kəndində işlərin hansı tarixdə yekunlaşacağı tikinti işlərinə başlanan zaman bəlli olacaq.
Daha ətraflı mövzu ilə bağlı "Xəzər Xəbər"in hazırladığı sujetdən izləyək:

Bizim.Media