\"Space” TV-yə niyə xəbərdarlıq edilib? – VİDEO  

Xəbər verdiyimiz kimi, “Audiovizual Şura” "Space” telekanalına ciddi xəbərdarlıq edib.

Bizim.Media xəbər verir ki, buna səbəb jurnalist Elçin Əlibəylinin "Elin sözü" ictimai-sosial verilişi olub.  

Belə ki, onun verilişində istifadə etdiyi "Biz hindu ağlında olmamalıyıq axı. Bir az inkişaf eləmiş vəziyyətdə olmalıyıq..." sözləri çalışdığı kanalı zərbə altına qoyub.

Bundan əlavə, sözügedən proqramda şübhəli fəaliyyətlə məşğul olan ekstrasens, parapsixoloq və sairə bu kimi şəxslər tərəfindən öz fəaliyyətlərinin təbliğinə televiziya kanalının efirində imkan yaradılması faktı da “Audiovizual Şura” tərəfindən qeydə alınıb.  
Bu hal isə “Media haqqında” qanunun müvafiq bəndlərinin tələblərinin pozulmasıdır.  

Rəşad Əliyev, Bizim.Media