Bolu şəhərində son bir həftədə güclü qar yağıb.
Bizim.Media xəbər verir ki, Bolu şəhərində 26 dekabr tarixindən etibarən müşahidə olunan intensiv qar yağışı gündəlik həyata ciddi təsir göstərib. Qar örtüyünün bəzi ərazilərdə 1 metrə yaxınlaşdığı bildirilib.
Məlumata əsasən, qar yağışının başladığı 26 dekabrda şəhər mərkəzində hər kvadratmetrə 8,2 millimetr qar düşüb.
27 dekabrda da eyni miqdarda yağıntı qeydə alınıb. 28 dekabrda isə bu göstərici 39 millimetrə çatıb. Sonrakı üç gün ərzində ümumilikdə 12 millimetr qar yağıb.
Dünən şəhər mərkəzində hər kvadratmetrə 17 millimetr qar düşdüyü qeyd olunub. Güclü qar yağışı nəqliyyatda və gündəlik həyatda müəyyən çətinliklər yaradıb. İş yerləri və təhsil müəssisələri hava şəraiti ilə əlaqədar müvəqqəti olaraq dayandırılıb.
Elcan Bəşirli, Bizim.Media
