Azərbaycan Dövlət Neft və Sənaye Universitetində yeni Azərbaycan İnnovasiya Mərkəzinin açılışı olub.
Yeni yaradılan mərkəz tələbələrin innovativ ideyalarının dəstəklənməsi, startap layihələrinin inkubasiyası və müasir texnoloji təşəbbüslərin inkişaf etdirilməsi üçün nəzərdə tutulub.
Bu addım ölkədə innovasiya ekosisteminin gücləndirilməsi istiqamətində yeni mərhələ kimi qiymətləndirilir.
Azərbaycan Dövlət Neft və Sənaye Universitetinin rektoru Rüfət Əzizov bildirib ki, mərkəzin əsas məqsədi tələbələrin, müəllimlərin və gənc mütəxəssislərin yeni ideyalar üzərində birgə çalışmasına şərait yaratmaqdır.
Dövlət Neft və Sənaye universitetinin güclü araşdırma potensialının, riyaziyyat və mühəndislik məktəbi kimi zəngin bazasının olduğunu vurğulayan rektor belə bir mərkəzin fəaliyyətə başlamasının əhəmiyyətini diqqətə çatdırıb. O, yüksək potensiallı tələbələr və professor-müəllim heyəti üçün daha geniş imkanlar yaradılacağını xüsusilə qeyd edib.
Ətraflı videosüjetdə:
Nəzrin Mirzəyeva, Pərviz Allahverdiyev, Bizim.Media
