Moskva metrosunda dəhşətli hadisə baş verib.
Bizim.Media Rusiyanın İstintaq Komitəsinə istinadən xəbər verir ki, 64 yaşlı qadın 13 yaşlı qızı metro relslərinə doğru itələyib.
Hadisə noyabrın 9-da “Tağanskaya” stansiyasında qeydə alınıb. Məlumata görə, qadın qıza yüksək səslə danışdığı üçün irad bildirib, daha sonra isə onu— relslərin üzərinə itələyib.
Yeniyetmə qatarın altına düşməyib. Ətrafdakı sərnişinlər onun həyatını xilas edərək platformaya çıxarıblar və qız daha sonra ailə üzvlərinə təhvil verilib.
Faktla bağlı “qəsdən adam öldürməyə cəhd” maddəsi üzrə cinayət işi açılıb. Şübhəli qadın artıq saxlanılıb.
Bizim.Media




































































































