Ukrayna Təhlükəsizlik Xidməti (UTX) və Xüsusi Əməliyyat Qüvvələri tərəfindən işğal altında olan Feodosiya şəhərindəki neft bazasına dron hücumu həyata keçirilib.
Bizim.Media xəbər verir ki, bu barədə görüntüləri UNIAN yayıb.
Mənbə qeyd edir ki, bu gecə Rusiya ordusuna xidmət edən bir sıra obyektlər vurulub, xüsusilə pilotsuz uçuş aparatları Feodosiya dəniz neft terminalında 5 yanacaq çəninə zərbə endirib.
Nəticədə neft bazası ərazisində genişmiqyaslı yanğın qeydə alınıb.
Feodosiyada yerləşən və Rusiya–Krım enerji körpüsünün bir hissəsi olan 220 kV-luq “Kafa” yarımstansiyasına da zərbə endirilib. Güc transformatorları, qapalı paylayıcı qurğu, dispetçer otağı və avtomatik mühafizə sistemi yerləşən bina zədələnib. Gərginlikdə sıçrayışlar müşahidə olunur.
330 kV-luq “Simferopol” yarımstansiyasında da bir sıra partlayışlar baş verib.
Bizim.Media
