Batumidə yaşayış binasının çökməsi ilə bağlı aparılan istintaq çərçivəsində 3 nəfər saxlanılıb.
Bizim.Media xəbər verir ki, Gürcüstanın Daxili İşlər Nazirliyi həmin şəxslərdən birinin binanın birinci mərtəbəsindəki mənzilin sahibi, digərlərinin isə usta olduğunu açıqlayıb.
İstintaqla müəyyən edilib ki, həmin mənzildə təmir işləri aparılıb və təhlükəsizlik qaydaları kobud şəkildə pozulub.
Adı açıqlanmayan mənzil sahibinin azərbaycanlı olduğu bildirilir. Həmin şəxs mənzili restorana çevirmək üçün dəyişiklik etmək istəyib. İstinad dirəklərinin sökülməsi qəzaya şərait yaradıb.
Xatırladaq ki, saxlanılan şəxsləri 2 ildən 10 ilədək həbs gözləyir.
Bizim.Media
