Ukrayna Prezidenti Vladımir Zelenski Vaşinqtona işgüzar səfərə gəlib.
Bizim.Media Ukrinform agentliyinə istinadla xəbər verir ki, Vladımir Zelenski sentyabrın 1-də ABŞ Prezidenti Cozef Baydenlə görüşəcək.
“Ukrayna Prezidenti və birinci xanım Yelena Zelenskaya Prezident Cozef Baydenin dəvəti ilə ABŞ-a işgüzar səfərə gəliblər. Səfərin gündəliyinə liderlərin təkbətək və nümayəndə heyətlərinin geniş tərkibdə görüşləri daxildir”, - deyə məlumatda bildirilir.
Ukrayna dövlət başçısı ofisinin mətbuat xidmətinin məlumatına gör, Vladımir Zelenskinin Amerika məmurları ilə bir sıra mühüm görüşləri də nəzərdə tutulur.
Həmçinin Ukrayna və ABŞ nümayəndələri bir sıra sənədlər imzalayacaqlar.
Səfər proqramı bir neçə günü əhatə edir və Ukrayna Prezidenti bu müddətdə ABŞ-ın Şərq və Qərb sahillərindəki şəhərlərə gedəcək, habelə Kaliforniyada Amerika biznesmenləri ilə görüşəcək.
Bizim.Media
