Qeyri-sabit hava şəraiti qərb bölgəsində yanğına səbəb olub. Tovuzda axşam saatlarında şimşək çaxıb, qısa müddətli güclü yağış yağıb.
Bizim.Media-nın bölgə müxbirinin məlumatına görə, təxminən saat 20:30 radələrində rayon ərazisinə ildırım düşüb. Nəticədə Rayonun Olimpiya İdman kompleksinin yaxınlığında yanğın baş verib.
MÖVZU İLƏ BAĞLI:
Lerikdə yanğın məhdudlaşdırıldı - VİDEO
Şam ağaclarından ibarət olan bir hektara yaxın ərazidəki alovu Fövqəladə Hallar Nazirliyinin Yanğından Mühafizə Hissəsinin Tovuz rayon şöbəsinin əməkdaşları ram edib.
15 nəfər canlı qüvvə iki yanğınsöndürən avtomobilin köməyi ilə alovun ətraf ərazilərə yayılmasının qarşısı alınıb. Yanğın söndürülüb. Havanın küləkli olmasına görə yenidən yanğının başlaması istisna edilmir buna görə də ərazi nəzarətə götürülüb.
Foto və videonu təqdim edirik:
Cümşüd Məmmədov, Bizim.Media
