Rusiyanın Yekaterinburq şəhərində bir kişi 9 yaşlı oğlunu fast-food kafesində anasının əlindən zorla aparıb.
Bizim.Media xəbər verir ki, bu barədə “Yekatskoe Chtivo” Telegram kanalı məlumat yayıb.
Hadisə avqust ayının sonunda baş verib. Kişi bir qrup insanla birlikdə uşağı anasının əlindən zorla götürüb. Uşaq müqavimət göstərməyə çalışsa da, aparılıb. Bu anlar videoya düşüb.
Hazırda uşağın harada olduğu məlum deyil. Polis oğurluq maddəsi üzrə materialları İstintaq Komitəsinə təqdim edib.
Qeyd olunur ki, valideynlərin boşanmasından sonra uşaq razılaşmaya əsasən anası ilə yaşayırmış. Lakin atası müəyyən vaxtda uşağı götürərək geri qaytarmayıb, onu məsafədən təhsilə keçirib və öz valideynlərinin yanına aparıb. Yazda məhkəmə uşağı anasına təhvil verib, atanın valideynlik hüquqlarını məhdudlaşdırıb və iyunda uşaq yenidən anasına qaytarılıb.
Bizim.Media
