ABŞ Prezidenti Donald Tramp Vaşinqtonda (Kolumbiya dairəsi) ölüm cəzasının tətbiqinə dair fərman imzalayıb.
Bizim.Media xəbər verir ki, sənədin mətni Ağ Evin saytında dərc olunub.
Tramp paytaxtda ölüm cəzasının bərpasını elan edərək bildirib ki, bu cəza qətl törədən hər kəsə şamil ediləcək.
Onun sözlərinə görə, bu, effektiv preventiv tədbirdir.
Qeyd olunur ki, ABŞ paytaxtında sonuncu edam 1957-ci ildə icra olunub. 1981-ci ildə isə Vaşinqton şəhər şurası ölüm cəzasını tamamilə ləğv edib. Lakin Kolumbiya dairəsinin xüsusi statusu və federal hökumətin üzərindəki nəzarət səbəbindən Trampın bu qərarı ləğv etmək imkanı yaranıb.
Prezidentin fərmanının icrasına ABŞ Prokurorluğu və Ədliyyə Nazirliyi nəzarət edəcək.
Bizim.Media
