Bakıda vətəndaş sifariş verdiyi dönərin içindən şüşə qırıntısı çıxdığını iddia edib.
Bizim.Media xəbər verir ki, bununla bağlı “Oxu.az”a şikayət daxil olub.
Vətəndaş iddia edib ki, sentyabrın 6-da "Bir-İki dönər"in Gənclik filialından iki dönər sifariş edib.
"Biri toyuq, digəri ət dönəri idi. Toyuq dönərini yeyəndə içindən belə bir şüşə qırıntısı çıxdı. Hətta dilimi zədələdi. Bu barədə onlara məlumat verəndə üzr istəyib pulumu qaytardılar, amma istəyərdim ki, dönər alanda adamlar diqqətli olsunlar", - deyə şikayətdə bildirilib.
Məsələ ilə bağlı aidiyyəti üzrə sorğu verilib.
Bizim.Media
