Qalmaqal ALOVLANIR: “Heç kimin başı üçün deyil ki, mənə artıq-əskik söz desin” - VİDEO

Müğənni Qumral bir müddət öncə efirdə onunla bağlı qalmaqallı açıqlamalar verən Kəmalə Nəsibovaya cavab verib.

Bizim.Media xəbər verir ki, bu barədə “Tarixin bir günü” verilişində danışıb.

Qumral deyib ki, Kəmalə ilə anası və həyat yoldaşı telefonda danışıb: “Gələn-gedən bostanımıza daş atır. Oturan-duran daş atır, alçaldır. Heç kimin başı üçün deyil ki, nə mənə, nə də ailəmə artıq-əskik söz desin. Deyibsə, cavab verəcək! Telefon zəngləri etdik. Anam və həyat yoldaşım bu xanımla danışdı. Fikirləşdim ki, bunu efirdə danışıb, fikrimi bildirim ki, nə baş verir? Kim sənin adını çəkib? Kim səndən danışıb ki, mənə bu qədər alçaldıcı sözlər demisən.

Mən və həyat yoldaşım haqqında danışmısınız. Ayıbdır! Bu sözü burada deyirsinizsə, cavab verməlisiniz. Mənə sual verirsiniz ki, 2-də gedərsiniz? Mən də şəxsi fikrimi bildirirəm. Deyir ki, “canım, mən elə müğənnilərdən deyiləm”. Mən belə söz demişəm? Deyir, savadı yoxdur, gəlsin, sənət göstərsin. Vallah mənim yaşım sizinlə uyğun deyil. Mən heç sənətdən danışmıram, çünki həvəskar olaraq başlamışam.

Mən Bakı Slavyan Universitetinin Beynəlxalq Münasibətlər fakültəsini bitirmişəm. Bu, mənə bəsdir! Mən yiyəsiz deyiləm. Söz atanda düşünün ki, hansı qapıya daş atırsız”.



Bizim.Media