Ukrayna pilotsuz təyyarələri Rusiya Federasiyasının Rostov vilayətinə hücum edib.
Bizim.Media xəbər verir ki, bu barədə Rostov qobernatoru Yuri Slyusar məlumat yayıb.
Hücumdan sonra, vilayətdəki istehsalat zavodunun ərazisində yanğın baş verib. yanğın səhər saatlarında söndürülüb.
Slyusar zavodun adını açıqlamasa da, yerli KİV-lər hücumun döşəmə örtükləri istehsal edən “Plastfaktor” zavoduna edildiyini yazırlar.
Rostov vilayətinin digər yaşayış məntəqələrində fərdi evlərə, avtomobillərə və məktəbə ziyan dəyib. İlkin məlumata görə, hücumlar nəticəsində xəsarət alan olmayıb.
Qeyd edək ki, Rusiya hava hücumundan müdafiə qüvvələri gecə ərzində 16 pilotsuz uçuş aparatı vurub.
Bizim.Media
