Türkiyə Aya kosmik missiya göndərəcək – VİDEO

Hazırda oxunan: Türkiyə Aya kosmik missiya göndərəcək – VİDEO

225072

Türkiyə Aya kosmik missiya göndərməyə hazırlaşır.

Bizim.Media xəbər verir ki, bu barədə Türkiyənin Kosmos Agentliyinin rəhbəri Yusuf Kıraç “TRT Haber”ə açıqlamasında məlumat verib.

Kıraç Türkiyənin 2024-cü ildə ilk dəfə kosmosa astronavt göndərdiyini açıqlayıb:

“Lakin Milli Kosmos Proqramına daxil olan Ay Missiyası ən vacib məqsədlər sırasında qalmağa davam edir. Biz öz kosmik gəmimizi inşa edir və hibrid təkan sistemini yaradırıq. Hazırda onların sınaqları davam edir. Ümidvarıq ki, 2026-cı ildə Türkiyə Aya missiya göndərən ölkələr sırasına qoşulacaq”.

Agentliyin rəhbəri qeyd edib ki, ilk mərhələdə Aya kosmik gəmi göndəriləcək:

“Növbəti mərhələdə isə kosmonavtlarımız Ayın səthinə eniş edəcəklər”.

Qeyd edək ki, bu ilin yanvarında ilk türkiyəli astronavt Alper Gezeravcı kosmosa yola salınıb. O, fevralın 9-da missiyanı başa vuraraq Yerə qayıdıb. İyul ayında isə Türkiyənin ikinci astronavtı Tuva Cihangir Atasever kosmosa uçub.

Bizim.Media