Türkiyənin İzmir şəhəri yaxınlığında Egey dənizi sahilində böyük meşə yanğını başlayıb.
Bizim.Media xəbər verir ki, bu barədə "TRT Haber" məlumat yayıb.
Məlumata görə, onun söndürülməsinə altı təyyarə və beş helikopter cəlb olunub.
Yerli xilasedicilərə kömək etmək üçün hadisə yerinə qonşu əyalətlərdən olan əlavə bölmələr gəlib.
Ümumilikdə yanğının söndürülməsinə aviasiya ilə birlikdə 50-yə yaxın yerüstü texnika, yüzlərlə xilasedici cəlb olunub.
Bizim.Media
