Ukrayna Silahlı Qüvvələri Ukraynanın Zaporojye vilayətinin Novodarovka kəndini azad edib.
Bizim.Media xəbər verir ki, bu barədə informasiyanı Zaporojyedə döyüşən ərazi müdafiə briqadası yayıb.
“Rusların bu yaşayış məntəqəsini nəzarətə qaytarmaq üçün bir neçə gün davam edən çoxsaylı cəhdləri uğursuz alınıb”, - məlumatda deyilir.
Bundan əvvəl bildirilib ki, Ukrayna Silahlı Qüvvələri Donetsk vilayətində üç kəndi - Blaqodatnoye, Neskuçnoye və Storojevoyeni azad edib.
Ermənipərəst rusiyalı jurnalist Semyon Peqov "WarGonzo" Telegram kanalında xəbərdarlıq edib ki, cəbhənin Cənubi Donetsk istiqamətində rusların vəziyyəti kritikləşib. Onun sözlərinə görə, ukraynalıların uğurları var.
Bizim.Media
