Xəbər verdiyimiz kimi, Fransada pensiya sisteminin dəyişdirilməsindən narazı olanlar yenidən küçə və meydanlara çıxıblar.
Bizim.Media xəbər verir ki, sosial şəbəkələrdə yayılan video görüntülərə əsasən, Lion şəhərində nümayişçilər pensiya islahatına qarşı etiraz yürüşü zamanı polisin müqaviməti ilə üzləşiblər.
Belə ki, polis nümayişçilərə qarşı gözyaşardıcı qazdan istifadə edib. Etirazçılar isə asayiş keşikçilərinə daş, boş şüşə atıblar.
On minlərlə insanın iştirak etdiyi aksiyalarda nümayişçilər “Pensiyalarımıza toxunma”, “Makron, get” şüarları səsləndirirlər.
Qeyd edək ki, martın 7-dən Parisdə komunal işçilər pensiya islahatına qarşı etiraz edərək işə çıxmırlar. Fransa Prezidenti Makronun apardığı sosial siyasəti nəticəsində ölkə ciddi problemlərlə üzləşib. Pensiya yaşının artırılması ilə bağlı təkliflər və hökumətin israrı vətəndaşların ciddi narazılığına səbəb olub.
Bizim.Media
