Türkiyənin müdafiə sənayesinin istehsalı olan mexaniki minatəmizləyən maşın MEMATT yoxlama sınaqlarından uğurla keçib.
Bizim.Media xəbər verir ki, bu barədə Türkiyənin Müdafiə Nazirliyi məlumat yayıb.
MÖVZU İLƏ BAĞLI:
Türkiyədən alınan mina təmizləyənlərin texniki üstünlükləri - VİDEO
“Qardaş ölkə Azərbaycana ixrac etdiyimiz MEMATT 2020-ci ilin oktyabr ayından Milli Minatəmizləmə Mərkəzimiz tərəfindən beynəlxalq standartlarda sertifikatlaşdırma testlərinə cəlb olundu və bütün testlərdən keçərək tam qiymət aldı”, deyə Türkiyə MN-nin məlumatında bildirilir.
Xatırladaq ki, MEMATT 500 metr məsafədən idarə olunur. Texnika saatda 4 km sürətlə irəliləyə bilir. Torpaq qatının 25 sm dərinliyə qədər enib təmizləmə işləri aparır.
1,7 metr eni, 1 km uzunluğu olan ərazini 1 saat ərzində minalardan təmizləmə qabiliyyətinə malikdir.
Azərbaycan işğaldan azad olunmuş ərazilərin minalardan təmizlənməsi işlərini sürətləndirmək üçün Türkiyədən 20 ədəd MEMATT alıb.
Bizim.Media
