“Düşmən geri çəkilmir, Ukrayna Ordusu işğalçıları qovur” – Zelenskinin VİDEO MÜRACİƏTİ 

Ukrayna Ordusu ölkənin cənubunda 41 yaşayış məntəqəsinin Rusiya işğalından azad edib. 

Bizim.Media xəbər verir ki, bu barədə Prezidenti Volodimir Zelenski axşam videomüraciətində məlumat verib. 

Zelenski bildirib ki, buna sevinməklə yanaşı, unutmaq olmaz ki, bu cəsarət, ağrı, itkilər, aylarla davam edən şiddətli mübarizə hesabına əldə olunan nailiyyətdir. 

“Düşmən geri çəkilmir, Ukrayna Ordusu böyük şücaətlə işğalçıları ərazilərimizdən qovur”,-deyə Zelenski vurğulayıb. 
 
Zelenski həmçinin Qərb tərəfdaşlarına hərbi və humanitar yardıma, xüsusən də Ukraynanın həqiqətən ehtiyacı olan hava hücumundan müdafiə sistemlərinə (PUA) görə təşəkkür edib.
Bundan əlavə, Ukrayna rəhbəri minatəmizləyənlərə də təşəkkür edib və bildirib ki, onların əməyi nəticəsində təqribən 300 km²-dən 200 km²-ə yaxın ərazi minalardan təmizlənib. 

Bizim.Media