Filarmoniyada Azərbaycan, Ruminiya musiqilərindən ibarət konsert olub - FOTO

“Azərbaycan-Rumuniya ticarət dövriyyəsi 150 milyon dollar təşkil edir. 23 iyun tarixində Bakıda ikitərəfli görüşlərin keçirilməsi ilə başlayan iclasda ciddi müzakirələr aparılacaq və bununla əlaqədar Rumuniyanın bir neçə naziri və dövlət nümayəndələri Bakıya gəlib”. 

Bu sözləri Rumuniya-Azərbaycn diplomatik münasibətlərinin 30 illiyi münasibətilə keçirilən tədbirdə Azərbaycanın Əmək və Əhalinin Sosial Müdafiəsi naziri Sahil Babayev səsləndirib. 

Azərbaycan Dövlət Akademik Filarmoniyasında konsert proqramının rəsmi hissəsində səfir Vasili Soare Azərbaycanın müstəqilliyini Türkiyədən sonra ilk tanıyan məhz Ruminyanın olduğunu vurğulayıb.

Səfir Rumuniya və Azərbaycan xalqlarının zəngin mədəni tarixindən də söhbət açıb. Rumuniya milli musiqisinin banisi Corc Eneskunun Bakıda heykəlinin ucaldığını söyləyən Soare anoloji olaraq Azərbaycanın böyük siyasi xadimi, müstəqil Azərbaycanın qurucusu Heydər Əliyevin Buxarestdə heykəli ucaldılıb.

Sonra tədbirin bədii hissəsi başlayıb. Konsertdə Azərbaycan bəstəkarlarından Üzeyir Hacıbəyov, Fikrət Əmirov, Qara Qarayev və Rumuniyadan isə Corc Enesku, Corc Diniku və Constantin Silvestri kimi dünya şöhrətli bəstəkarların əsərləri səsləndirilib.
Qeyd edək ki, Azərbaycan və Rumuniya musiqiçilərinin ifası ilə baş tutan konsertin drijoru Xalq artisti Fəxrəddin Kərimov idi.

Leyla Şah, Bizim.Media