Telegram messencerinin yaradıcısı Pavel Durov sevgilisi Yuliya Vavilovaya 400 min dollar dəyərində hədiyyə edib. Bu isə aktrisaya Oskar mükafatlı rejissor Spayk Linin filmində rol almaq imkanı qazandırıb.
Bizim.Media xəbər verir ki, bu barədə Yuliya Vavilova öz Instagram hesabında yazıb.
Film çəkilişlərində iştirak hüququnu Durov Kann festivalında keçirilən xeyriyyə gecəsində alıb.
Rejissor Spayk Li şəxsən Yuliyanı debütü münasibətilə təbrik edib. Aktrisanın filmdə hansı rolu canlandıracağı hələlik açıqlanmır.
25 yaşlı Yuliya Vavilova ingilis, ispan və ərəb dillərindən tərcüməçidir. Onun 40 yaşlı Pavel Durovla münasibəti təxminən bir ildir davam edir. Vavilova, həmçinin, 2024-cü ilin avqustunda Durovun Fransada həbs olunduğu zaman onun yanında olub.
Bizim.Media
