"Bu serialları çəkə bilmirsiz çəkməyin. Aktyorları səhər 9-da aparıb, gecə 4-də evə qaytarırlar. Hər bölüm üçün 500 manat istəyirəm. Yarım saat müğənniyə 10, 5 min verirlər. Biz aktyorlara isə pul verilmir. Onlar fonoqram oxuyur, biz canlı çıxış edirik. Reytinq verən aktrisayam, niyə 50 manata seriala çəkilim?".
Sfera.az xəbər verir ki, bu sözləri Xalq artisti Naibə Allahverdiyeva "Günün sədası" proqramında deyib. Aktrisa seriallara çəkilməməsinin səbəbini açıqlayıb.
N.Allahverdiyeva ikinci həyat yoldaşından ayrılması xəbərini təsdiqləyib. "İkinci həyat yoldaşınız sizi xoşbəxt etmədi? Əvvəlki kimi sizi sevmədi" sualına aktrisa belə cavab verib:
"İş o deyil ki, xoşbəxt olmursan ayrılırsan. Mən xoşbəxt qadın deyiləm. Həyat yoldaşı qadınını xoşbəxt etməlidir. O, məni xoşbəxt etmədi. O, yox, mən onu əvvəlki kimi sevmirəm. Onu qazanmaq lazım idi, itirmək yox".
