Şəbnəm Tovuzlu: “Damla rəqibim deyil” - VİDEO

 “Artıq Damla rəqibim deyil”. 

Bizim.Media xəbər verir ki, bu sözləri müğənni Şəbnəm Tovuzlu qonaq olduğu “YouTube”da yayımlanan “Tarix Əliyev ilə Səmimi” layihəsində deyib. 

Sənətçi nəyinki Damlanı, hətta bir çox həmkarlarını özünə rəqib görmədiyini açıqlayıb. 

“Bu gün mənə rəqib olacaq insan görmürəm. İki-üç il bundan əvvəl Damlanı özümə rəqib görürdüm. O, sənətdə rəqibim idi. Amma artıq deyil. Çünki o, bizim oxuduğumuz janrda mahnılar ifa etmir. Janrını dəyişib”. 

Qeyd edək ki, illər əvvəl Şəbnəm Tovuzlu ilə Damla (Məsumə Məmmədova) arasında verilişlərin birində pərdəarxası qalmaqal yaşanmışdı.

Bundan sonra Damla bir çox telekanallarda yayımlanan verilişlərə qarşı tərəflə birgə efirə çıxmamaq tələbini irəli sürmüşdü. 

Rəşad Əliyev, Bizim.Media