İbrahim Tatlıses Azərbaycandan DANIŞDI - VİDEO 

Müğənni Günel Zeynalova türk sənət musiqisinin “kralı” və “imperatoru” İbrahim Tatlıses ilə bağlı paylaşım edib.  

Bizim.Media xəbər verir ki, müğənni sosial şəbəkə hesabında ona illər əvvəl Türkiyə şou-biznesinə qatılmaq üçün yardımçı olan sənətkarın restoranların birində səhnə aldığı videosunu yayımlayıb.  

Sözügedən görüntülərdə Tatlısesin çıxışı zamanı Azərbaycandan və Zeynalovadan söz açdığı kadrlar əks olunub. 

“Güneli də sevirəm, Azərbaycana da sayğılar. Bilirsiniz ki, iki bayraq, tək millətdir” – deyə İbrahim Tatlıses bildirib. 

G.Zeynalova İ.Tatlısesin bu fikirlərinə “Mənəvi atam, mən də səni çox sevirəm. İki dövlət, bir millətik. Yaxşı ki, yollarımız kəsişib” sözləri ilə qarşılıq verib. 

Rəşad Əliyev, Bizim.Media