Demet Naxçıvandakı konsertindən DANIŞDI: \"Mayamidən sonra... - VİDEO

Xəbər verdiyimiz kimi, Türkiyənin məşhur pop ulduzu Demet Akalın ötən axşam Naxçıvanda konsert proqramı ilə çıxış edib. 

Bizim.Media xəbər verir ki, konsertdən sonra Bodruma yollanan sənətçi Naxçıvanla bağlı təəssüratlarını sosial şəbəkə hesabında bölüşüb.

D.Akalın xoş və isti qarşılandığı üçün təşəkkürünü bu sözlərlə ifadə edib.

"Hələ də dünən axşam yaşadıqlarımızın təsiri altındayıq. Çox gözəl qarşılandıq. Bunun üçün təşəkkür edirəm. Bizə üstünlük verdikləri üçün Naxçıvanın səlahiyyətli şəxslərinə və naxçıvanlılara minnətdarlığımı bildirirəm. Təyyarəyə qutularda meyvələr, ətlər, Naxçıvanın duzundan hədiyyə qoymusunuz. Mayamidən sonra ilk dəfədir ki, belə gözəl qarşılandıq"

Qeyd edək ki, Demet Akalın Naxçıvana həyat yoldaşı, iş adamı Okan Kurtla səfər edib.

Rəşad Əliyev, Bizim.Media