Xalq artistini erotik videolarla şantaj edirlər – FOTO 

Xalq artisti Kazım Abdullayev şantaj olunduğunu açıqlayıb.  

Bizim.Media xəbər verir ki, aktyor başına gələn xoşagəlməz hadisə ilə bağlı sosial şəbəkə hesabında paylaşım edib.  

K.Abdillayev bir qadının ona yazdığı mesajları yayımlayaraq, bunları yazıb.  

"Əziz dostlar, son vaxtlar məni erotik videolarla şantaj edirlər. Məndən pul istəyirlər. Bu nə mənim yaşıma, nə də statusuma yaraşan bir işdir. Hamınız məni gözəl tanıyırsınız. Mənim bu ağır vaxtımda - qardaş və bacı itirdiyim bir zamanda üstümə gəlirlər.  

Kimin mənə qarşı təxribatı olduğunu bilmirəm. Əgər pul verməsəm, dostlara videonu göndərəcəkləri ilə şantaj edirlər. Gələn təhdid mesajlarını sizinlə bölüşürəm. Bu səbəbdən “Facebook – messenceri” və “Whatsapp”ı bağlayıram. Hüquq-mühafizə orqanlarından da xahiş edirəm ki, bu məsələ ilə bağlı mənə kömək etsinlər”.  
Qeyd edək ki, K.Abdullayev ötən ay qardaşı Suleymanı, bir neçə gün əvvəl isə bacısı Rədilə xanımı itirib.  

Rəşad Əliyev, Bizim.Media