Bu il “Avroviziya” mahnı müsabiqəsində Azərbaycanı təmsil edən Nadir Rüstəmli ikinci məşqinə çıxıb.
Bizim.Media xəbər verir ki, o, səhnədə “Flade to Black” mahnısını canlı ifa edib.
Nadirin bu çıxışı yarışmanın rəsmi “Youtube” kanalına yerləşdirilib. Onun ifası ilə yanaşı pilləkanların üzərində qurulmuş səhnə perfomansı da diqqət çəkib.
Orada onun kölgəsini yaradan isə peşəkar rəqqasdır. O, Nadirin hərəkətlərini təqlid edir. Çıxışın sonuna yaxın pilləkən ikiyə ayrılır və Nadirlə rəqqası üz-üzə gəlir.
Qeyd edək ki, mayın 12-də Turində keçiriləcək ikinci yarımfinalın birinci hissəsində Azərbaycan təmsilçisi Nadir Rüsrəmli “Fade to black” balladası ilə çıxış edəcək. Onun səsvermə nömrəsi 4-dür.
10-14 may tarixlərində keçiriləcək "Avroviziya" beynəlxalq mahnı müsabiqəsi İctimai Televiziya ilə canlı yayımlanacaq.
Rəşad Əliyev, Bizim.Media
