"Hamam otağından çəkilən video, bunlar daha mənim üçün vulqar deyil. Nigara, Rəqsanəyə desək ki, belə etməyin, edəcəklər. Çünki onlara xoşdur".
Bizim.Media xəbər verir ki, bu sözləri müğənni Nadir Qafarzadə "MTV Maqazin" proqramında deyib:
"Artıq kimsə qınaqlara fikir vermir. Rəqsanə xanım vannaya giribsə, orada çılpaq olmalısan, paltarda yox. Görüntüyə görə klip trend oldu. Bu, tələb edilirsə, olsun”.
Xalq artisti Faiq Ağayevin yarıçılpaq fotosessiyasından da danışan N.Qafarzadə bildirib ki, belə bir obrazı təkrarlaya bilməyəcək:
“Faiq Ağayev belə istəyib, edib. Mən özümü elə görmürəm. Dənizdə, hovuzun ətrafında çılpaq ola bilərəm. Amma kamera qarşısında yox. Ona görə yox ki, bədən quruluşum buna imkan vermir. Sadəcə el qınağından qorxuram”.
Rəşad Əliyev, Bizim.Media
