Türkiyəli aktyor Doğukan Güngör narkotik analizlərinin müsbət nəticə verməsi səbəbindən baş rolda çəkildiyi “Kızılcık şerbeti” serialından uzaqlaşdırıldıqdan sonra yenidən ekranlara qayıtmağa hazırlaşır.
Bizim.Media xəbər verir ki, aktyor bu dəfə “Haysiyet” adlı yeni serialda rol alacaq. Layihənin hazırlıq mərhələsində olduğu bildirilir.
Serialın süjeti “Mehmet” və “Simay” adlı iki gəncin sevgi hekayəsi üzərində qurulacaq. Onların münasibəti yalnız romantik xətlə məhdudlaşmayacaq, eyni zamanda ailə, cəmiyyət təzyiqləri və şəxsi dəyərlər kimi mövzular da ön plana çıxarılacaq.
Qeyd olunur ki, “Haysiyet” serialının ssenarisi klassik “Yaprak dökümü” hekayəsinin müasir interpretasiyası kimi hazırlanır. Bu isə o deməkdir ki, tamaşaçılar ailə dramı, nəsillərarası konflikt və sosial problemlərin müasir kontekstdə təqdim olunmasının şahidi olacaqlar. (Musavat.com)
Bizim.Media
