“Azərə imtina cavabı gəldi”

“Azəri sevən tamaşaçılardan biri təmannasız donor olmaq istəyirdi. Ötən ilin mart ayından etibarən bununla bağlı sənədləşmə işləri başlamışdı”.

Bizim.Media-nın xəbərinə görə, bu barədə İlkin Həsəni “Xəzər axşamı” verilişinin mərhum aktyora həsr olunan buraxılışında deyib.

İ. Həsəni qeyd edib ki, son illərdə transplantasiya əməliyyatları üçün etika komissiyası yaradılıb: “Analizlər götürüldü, sənədləşmə gedirdi. Hər dəfə soruşanda deyirdi ki, gələn ay cavab deyəcəklər. Bu proses səhv etmirəmsə, noyabrın sonuna qədər uzandı.

Onda da Azərə imtina cavabı gəldi. Hansısa problem çıxdı və imtina cavabı gəldi. Bir az da bu olay Azəri sarsıtdı”.

Bizim.Media