Amerikalı aktyor, rejissor, ifaçı, “Oskar” və “Qremmi” mükafatları laureatı Uill Smit Formula 1 Azərbaycan Qran-Prisi çərçivəsində Bakıda ilk dəfə konsert proqramı ilə çıxış edib.
Bizim.Media xəbər verir ki, bundan əlavə, Hollivud ulduzu Azərbaycanda bu qəbildən ilk və yeganə attraksion olan “Sea Breeze Walk of Fame”in (”Sea Breeze” şöhrət xiyabanı) adlı çərçivəsinin və ulduzunun sahibi olub.
“Sea Breeze Walk of Fame”də bir ulduza da “Hot Latin Songs” cədvəlində bir nömrəli mövqe tutan, habelə ən uzun müddət xidmət edən musiqiçi kimi Ginnesin Rekordlar Kitabına daxil edilmiş kolumbiyalı reggaeton artisti Cey Balvin layiq görülüb.
Bu gün “Sea Breeze Walk of Fame”in “bürcündə” 23 ulduz var. Burada tezliklə yeni ulduzlar peyda olacaq.
Bizim.Media
