Alsudan boşandığı milyarder ərinə qarşı daha bir İTTİHAM - FOTO

Rusiyalı müğənni Alsu yəhudi milyarder əri Yan Abramovdan boşanma fonunda onu uzun müddətdir davam edən qalmaqalda iştirak etməkdə günahlandırıb. 

Bizim.Media xəbər verir ki, buna səbəb “Səs Uşaqlar” yarışmasında qızı Mikella üçün səs çoxluğunun pulla alınmasının arxasında onun keçmiş ərinin olması olub. 

Əvvəllər Alsu özü də bu məsələdə ittiham olunub. 41 yaşlı Alsu onu “ikiüzlü” adlandıran izləyicilərinin birinin səslərin pulla alınması ilə bağlı hekayədən sonra şərhinə cavab olaraq “Xahiş edirəm, qəzəbinizi və bu mövzuda suallarınızı keçmiş ərimə göndərin” rəyini yazıb. 

Alsu məsələ ilə bağlı “Bəli, səsləri aldım. Özümü, imkanlarımı, şöhrətimi çox qiymətləndirdim və bundan istifadə etdim. Bəli, səhv idi. Bu, başqalarına qarşı haqsızlıqdır. Mən ictimaiyyət qarşısında üzr istəmək istəyirəm” sözlərini dilə gətirmişdi. 

Qeyd edək ki, “Səs Uşaqlar” şousunda səslərin pulla alınması ilə bağlı qalmaqal 2019-cu ildə baş verib. Mikella şounun altıncı mövsümündə yarışıb və digər iştirakçılar “favorit” hesab edilsə də, o, çoxlarını təəccübləndirərək qalib gəlib. Çoxları səslərin alındığını iddia edib və Mikellanın valideynlərindən şübhələniblər. İnterpolla əməkdaşlıq edən kibertəhlükəsizlik şirkətinin apardığı audit nəticəsində müəyyən edilib ki, həqiqətən də yarışmanın səs verməsində fırıldaqçılıq olub. Bir müddət sonra Alsu qızının qələbəsi üçün pulla səs aldığını etiraf edib. Tamaşaçıların Mikellanın qələbəsinə reaksiyası o qədər şiddətli idi ki, Rusiyanın “Birinci Kanal”ı finalın nəticələrini ləğv etmək və yeni səsvermə təşkil etmək üçün qərar vermək məcburiyyətində qalıb.

Bu qərar çoxlarının da xoşuna gəlməyib, çünki yekunda yenidən Mikella Abramova qalib elan olunub. Ancaq, o, təkrar finalda görünməyib. 

Xatırladaq edək ki, Alsunun ərindən boşanması artıq bir neçə həftədir ki, sosial şəbəkələrdə geniş müzakirə olunur. Şayiələrə görə, 18 ildir birlikdə olan cütlüyün ayrılmasına səbəb Timatinin keçmiş sevgilisi, 28 yaşlı Anastasiya Reşetova olub. Onun 46 yaşlı Abramovun məşuqəsi olduğu iddia edilib. Alsu özü də dolayı yolla “O, yalan danışır” şərhini Reşetova haqqında xəbərə şərh yazaraq bunu təsdiqləyib. 




Rəşad Əliyev, Bizim.Media