“Heç kim bu haqda düşünmür, narahat deyillər. Sosial şəbəkələri açırsan yalnız ədəbsizlik, pozğunluq. Baxırsan, iş adamı, həkim, mühəndis, stilist, rəngsaz, fəhlə, müəllim, qapı-pəncərə düzəldən... Bütün peşələrdən olanlar intim münasibətlərdən, kişilərin-qadınların intim orqanlarından danışırlar”.
Bizim.Media xəbər verir ki, bu sözləri müğənni Nadir Qafarzadə sosial şəbəkə hesabında yayımladığı videoaçıqlamada deyib.
Sənətçi sosial şəbəkə əhlinin xoşagəlməz hərəkətlər və qeyri-etik ifadələrdən istifadə etmələrinə sərt şəkildə etirazını bildirib:
“Siz utanmırsınız?! Siz heyvansınız?! Onun şüuru yoxdur, küçədə nə gəldi, edir. Siz insansınız, Allah sizə ağıl verib. Hətta TikTok-da arvadlarını çıxardırlar, “marça-marçla” yemək yeyirlər. Arvad hesabına pul qazanırlar, arvad çörəyi yeyirlər. Adlarını kişi qoyublar, sonra da arvad çıxır oturur burada. Əcəb edir. Bu xalq yanıq deyil. Abırlı xalqdır. Lakin çoxunun abır-həyası itib. Sadəcə adı qalıb, özü qalmayıb. Bu, müasirlik deyil. Bu? müasirlikdirsə, biz “çuşka”yıq. Tüpürüm sizin müasirliyinizə. Mən utanıram. Başqa ölkələrdə azərbaycanlı olduğumuzu deyəndə bizi utandırmayın. Özünüz cəhənnəm. Yatmağınızı-durmağınızı, “uşağa qalmağınızı”, doğmağınızı, hansı pozada nə etdiyinizi, hamısını danışırsınız. Hələ həkim çıxıb mayadan danışır ki, nə etmək olar? Sənin abrın yoxdur? Onu pasientinlə danışa bilərsən. Cəmiyyətdə yox. Nə olsun ki, həkimsən. Həkimsənsə, aç özünü qoy çölə, biz də baxaq. Ay kişilər, sözüm sizədir. Nə qədər iplərini boş buraxsanız, arvadlarınızı evdə tapmayacaqsınız. Başa düşürəm ki, arvad çörəyi yeyirsiniz. Siz də bir şey yeməlisiniz. Bu, bəzilərinə aiddir. Allah sizi bizə çox görsün, ay pozğunlar, ədəbsizlər. Pozğunluq etmək olar. Amma dörd divar arasında. Kim deyir ki, sekslə məşğul olmaq olmur, intim əlaqədə olmurlar. Bu, normaldır, etmək olar. Amma sosial şəbəkədə yox. Çünki olmazlar var”.
Rəşad Əliyev, Bizim.Media
