“Yasıma molla gəldi-gəlmədi, mənə aidiyyəti yoxdur. Mənə bir molla alim lazımdır. Onun behini də vermişəm".
Bizim.Media xəbər verir ki, bu sözləri Əməkdar artist Cavanşir Məmmədov qonaq olduğu "Gəl danış" ictimai-sosial verilişində deyib.
Sənətçi bildirib ki, o dünyasını dəyişdikdən sonra yas mərasimini aparacaq molla ilə əvvəlcədən danışıb:
"Beş il əvvəl dostumun yas yerində çox savadlı bir molla ilə rastlaşdım, ona görə 20 dəqiqə toya gecikdim, ona yaxınlaşdım, bir şey ötürmək istədim. Götürmədi, dedi, vermiş kimi varsan.
Dedim, mən rəhmətə gedəndə yəqin ki, eşidəcəksən. Eşidəndə gələrsən. Dedi, narahat olmayın, sizə böyük hörmətim var. Məmmədbağırın yasında da bir iranlı molla var idi. O da dedi ki, Baba, sən niyə belə deyirsən, Allah sənə uzun ömür versin. Dedim ki, sən gəlmə! İstəyirəm, yasımı savadlı adam idarə eləsin”.
Rəşad Əliyev, Bizim.Media
