"Cəmi iki ay ailəli olmuşam. Toydan 2 ay sonra ayrıldım".
Bizim.Media xəbər verir ki, bu sözləri Əməkdar artist Sevinc Əliyeva qonaq olduğu "Zaurla Günaydın" verilişində deyib.
Aktrisa bildirib ki, həyat yoldaşı ona şiddət göstərib və dəfələrlə döyüb:
"O vaxt elə deyildi ki, kimsə kimisə tanısın. Gözüyumulu ailə qururduq. Evdən deyirdilər ki, getməlisən, vəssalam. Qız toyum oldu. Ayrıca da oğlan toyu oldu. Hadisələr baş verdi. Özü də bəy uzaq qohum idi. Mənə şərt qoydu ki, ya atanın evi, ya bura. Mən də ata-anamı atmazdım. Döydü məni, ayrıldım. Onda 19 yaşım var idi. O qədər məni döyürdü ki, gördüm ki, yerdəyəm".
Rəşad Əliyev, Bizim.Media
