Müğənni Əli Mirəliyev xəstəxanaya yerləşdirilib.
Bizim.Media xəbər verir ki, bu haqda “Elgizlə izlə” ictimai-sosial verilişinin efirində məlumat verilib.
Belə ki, Mirəliyevin həyat yoldaşı proqramın canlı efirinə zəng edərək, müğənni ərinin səhhətinin yaxşı olmadığını və əməliyyat olunacağını söyləyib:
“Vəziyyəti çox ağır idi, indi müayinələrin cavabını gözləyirik. Həkimlər deyib ki, əməliyyat olunacaq”.
Aparıcı Elgiz Əkbər isə “Dua edirik ki, xərçəng olmasın. Şübhələr var. Qan ifraz edib. Həkimlər hazırda analiz nəticəsini gözləyir. 4 gün vəziyyəti çox pis olub” sözlərini dilə gətirib.
Rəşad Əliyev, Bizim.Media
